މި އަހަރު ބާއްވާ އުރީދޫ ފަންރަންގައި ރަޖިސްޓަރ ވުމުގެ ސުންގަޑި މިރޭ 11:59 ގައި ހަމަވާނެ ކަމަށް އުރީދޫ އިން ބުނެފިއެވެ.
އުރީދޫ ފަން ރަން ބޭއްވުމަށް ހަމަޖެހިފައި ވަނީ، އަންނަ މަހުގެ 20 ވަނަ ދުވަހުގައެވެ.
އުރީދޫ އިން ވަނީ މިރޭ 11:59 ގެ ކުރިން ފަންރަންގައި ރަޖިސްޓާ ވުމަށް އެދިފައެވެ.
އެގޮތުން http://ore.do/funrun2024 މެދުވެރިކޮށް ފަން ރަންގައި ރަޖިސްޓާ ވެވޭނެ ކަމަށް އުރީދޫ އިން ވަނީ ބުނެފައެވެ.
އުރީދޫއިން ބުނީ ފަން ރަންގެ ކިޓްތައް ލިބެން ހުންނާނީ ދެ ކެޓަގަރީއަކުން ކަމަށެވެ.
އެއީ ސްޓޭންޑަޑް ކިޓް އާއި ފަން ކިޓް ކެޓަގަރީއެވެ. އެގޮތުން، ސްޓޭންޑަޑް ކިޓްގައި ހިމެނެނީ ފަން ރަން ޓީޝާޓާއި ރިސްޓްބޭންޑެއް ކަމަށާއި މި ކިޓްގެ އަގަކީ 100 ރުފިޔާ ކަމަށް އުރީދޫން ބުނެފައި ވެއެވެ.
މީގެއިތުރުން 210 ރުފިޔާއަށް ލިބޭ ފަން ކިޓްގައި އުރީދޫ ފަން ރަން ޓީޝާޓްގެ އިތުރުން ރިސްޓްބޭންޑަކާއި، ފޮތި ދަބަސް، އައިނު އަދި ބަންޑާނާ ހިމެނެއެވެ.
އުރީދޫ ފަން ރަންގައި ކޮންމެ ކިލޯމީޓަރެއް ދުވެ ނިމުމުން، ބެހެއްޓިފައިވާ ސްޓޭޝަންތަކުގައި ކުލަގައިގެ އިތުރުން ފެން އަދި މަޖާ ހަރަކާތްތަކެއް ކުރިއަށް ގެންދިއުމަށް ވަނީ ނިންމާފައެވެ. އަދި
އުރީދޫ ފަން ރަން އަކީ ކޮންމެ އަހަރަކު އުރީދޫއިން ބާއްވަމުންދާ ހަރަކާތްތަކުގެ ތެރެއިން އާންމުންގެ މެދުގައި އެންމެ މަގުބޫލު އެއް ހަރަކާތެވެ.
